ينتهي الاعلان في  5 / 11 / 1435


العودة   منتدى منتديات عالم الزين > منتديات القصائد والخواطر - قصائد جديده - خواطر جديده - قصص منوعه - روايات طويله > قصائد - اشعار - شعر - اشعار قصائد حب - قصائد اشعار مكتوبة - Forums poems

قصائد - اشعار - شعر - اشعار قصائد حب - قصائد اشعار مكتوبة - Forums poems قصائد ، اشعار ، شعر ، حامد زيد ، بدر بن عبدالمحسن ، خالد الفيصل ، اشعار قصائد ، حب ، حزينة ، طويلة قصيرة




المواضيع الجديدة في قصائد - اشعار - شعر - اشعار قصائد حب - قصائد اشعار مكتوبة - Forums poems


إضافة رد
 
LinkBack أدوات الموضوع انواع عرض الموضوع
  1  
عالم الزين


قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية قصائد قصيدة عن اليوم الوطني ، اشعار شعر عن اليوم الوطني ، اليوم الوطني للمملكة العربية السعودية

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها


انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها


يالسعودي بس اسمك لا لمع في كل ديرة
.................. والله انه تاج اكبر من على هامة سناها


شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها


من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها


يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها


كل حرف لا كتبته غير اسمك استشيره
.................. وين يا كلي تمهل ارفق ولملم حلاها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها


يحفظك رب كريم من صودايف عسيره
.................. يا منار الحق للي ضاعت حقوقه لقاها


دام ابو متعب يقودك سيري دروبك يسيره
.................. والمواطن في يمينه خط ما نبغى سواها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها








يقول الأمير خالد الفيصل:


لاح يوم الوطن والعز لاح
وكلمة الله على البيرق تلوح

يوم الاسلام يا يوم الفلاح
والوطن كل روح له تروح

فوق الايمان ركبنا السلاح
والمقابيل بالخافق تبوح

الله اكبر مثل ضرب الرماح
سيلت في خفى الباغي جروح

**
ومن رائعة أخرى للوطن حيث يقول:

غنيت حبك يا وطن

ولثمت بحروفي سماك

وعشتك اكثر من زمن

وسقيت من عروقي ثراك

انت الابو وانت الولد

وانت التغرب والبلد

وانت الشدائد والرخا

أموت وتاريخك خلد

عنيت حبك يا وطن

نبعك شرابي في الحياة

يا نشوة العز وهواه

لاجلك لو كفوفي تذوب

امشي على جمر الغضاه

وفي الوطن ايضا يقول:

البست شعري غترة وبشت وعقال
وخليت تغريب المذاهب لغيري

في ساحتي للفكر مليون منهال
وبحري بمكنوز المعرفه غزيري

**
ومن رائعة أخرى يقول:

ارفع راسك انت سعودي
طيبك جاوز كل حدود

مالك مثيل بالدنيا
غيرك ينقص وانت تزود

فارس واجدادك فوارس
واصبحت لبيت الله حارس

مغروس بالمجد وغارس
في ميدان العز شهود

علمك غانم وجارك سالم
يخشى من هيبتك الظالم

راعي صمله دايم والم
سيف وقلب وفعل زنود

الى ان قال:

فهد القايد فهد الرايد
فهد الصقر الحر الصايد

والعيد بفضل الله عايد
وسعودك يا وطن سعودي

**
وفي قصيدة أخرى يقول:

نحمد الله تعافا شيخنا
وارجهنت قلوب المسلمين

زان حاله وزانت حالنا
طاب واليوم حنا طيبين

والفرح عم كل بلادنا
والغلا يا عرب لازم يبين

يا ملكنا فدتك ارواحنا
اشهد انك على شعبك أمين

طول الايام بجهاد وعنا
جعل عمرك على الطاعة سنين

فوق الامتان ناقل حملنا
ما تراخيت يالحصن الحصين

تسهر الليل همك عزنا
تقدح الفكر والراي الرزين

واستنارت برايك دارنا
واستقامت على الدين المكين

**

وللأمير نواف بن فيصل بن فهد قصيدة تقول:

نجد شمس العرب والجزيرة
نحمد اللي على حبك فطرنا

يا وطنا كلنا لك ذخيرة
لانوى الباغي بك الشر ثرنا

من ورا شيخ يقود المسيرة
وتحت راياته مشينا وسرنا

المليك اللي الملا تستشيره
ابو فيصل عزنا مع فخرنا

سيفنا للحق دايم نعيره
والخطر يحفل الى اقبل خطرنا

نفتخر بامجادنا بكل سيره
في مضارب بدونا وفي حضرنا

**



وهذا مهندس الكلمة الامير بدر بن عبدالمحسن في احدى قصائده يقول للوطن:

عزنا للاسلام هو غاية فخرنا
فيه سر وجودنا ونموت دونه

ارضنا ارض الذهب وانقى المذاهب
والرجال اللي عهدهم يحفظونه

هم عهدنا ما قروا التاريخ والا
قد قروا التاريخ لكن ما يبونه

**
ومن قصيدة اخرى يقول:

الله الاول وعزك يا الوطن ثاني
لأهل الجزيرة سلام وللملك طاعة

حنا جنود الحرس للقايد الباني
رمحه,, ودرعه وكف الشيخ وذراعه

مثل السيوف البواتر وان جنى الجاني
يضرب بها ارقاب من بالدار طماعه

من بان عبدالعزيز وصبحنا باني
ما عاد نقبل ظلام الليل لو ساعه

في السلم يشهد لنا عمرا الاوطاني
وفي الحرب لا رواحنا للموت بياعه

حنا سياج الوطن عن كل عدواني
والجيش والامن ساري العز وشراعه

**




ومن رائعة اخرى يقول الامير بدر بن عبدالمحسن:


ارفع الراس يا الحر القطام
واكثر الحمد,, للي صانها

انت فالمجد لك راس السنام
وعزة الناس من أوطانها

انت الاول الى سل الحسام
وقالوا الخيل من فرسانها

الفخر لك ولا تسمع كلام
لا يهمك حكي عدوانها

ديرتك من عشقها ما يلام
ويغصب الله على من خانها **

*




**
كما يقول الامير سعود بن بندر بن محمد يرحمه الله:

مشتاق لك يا كل ما في بلادي
شوق الرياض للسيل وادي حنيفه

رغم الفراق وطول وقت البعادي
حبك يزيد ولهفتي لك عنيفه

ولهان لك وله الحضر والبوادي
لخضرة ربيع ضاحك الوجه ريفه

عطشان اشوفك مثل ما كل وادي
ثراه ظامي للحيا عقب حيفه

يا نجد لك منزل بداخل فؤادي
يشبه جبال طويق هاك المنيفه

يا ليت والله ديرتي في مرادي
أوليت قلبي دايم يطيع كيفه

لو هو بودي ما يطول ابتعادي
ليالي الفرقا تراها مخيفه





**

ويقول الشيخ محمد بن ابراهيم الوافي :

راية الاسلام بالعز منصوره
ودولة التوحيد بظلال قايدها

شرعنا الاسلام من عهد اخو نوره
البلاد اللي على الشرع وحدها

من بحر جده الى راس تنوره
ومن ورى الخرخير لطريف حددها

الامام اللي مساعيه مشكوره
سيرة المختار جاهد وجددها

بعد مية عام من وضع دستوره
كل شبل سيرة الليث جودها

يالله انك تسقي العود وقبوره
واحفظ الباقين في عز وايدها

أسرة في نصر الاسلام مشهورة
السعود الله ينصره يساعدها

يا ذري الشعب السعودي ويا سوره
الولاية والعهد لك نجددها

يالبلاد اللي على الخير مفطوره
ما احد ينكر جهودك ويجحدها

اسمها يعرف على كل معموره
حاكم كل المشاريع شيدها

نهضة بالمملكة صارت اسطورة
والمعارف صار بالعلم رايدها

المعارف اول انتاج باكورة
بصمته في كل حاجة تقلدها

في سماء مكة وطيبة طلع نوره
شامخ في خدمة الدين يجمدها

دارنا في كل الاقطار مذكورة
وكل مسلم يحترمها ويقصدها

ما أحد سوى سواته ولا دوره
سيرته بالخير كل يرددها

الفهد واخوانه الفعل والصوره
ما نحصر افعالهم لو نعددها

أمر ناشورى وراضين في شوره
ومملكتنا في ولانا نعاهدها

من نوى تخريبها تقصر شبوره
يحترق في نارنا اللي يهددها

من يجرب حربنا يقصد شعوره
والله انه لو سلم ما تعودها

**






**
وفي احدى القصائد يقول الشاعر أحمد الناصر الاحمد:

زان القصيد وقيمت الشعر لازان
انك على اللي يعشقونه تذيعه

يقولها الي عارف كل الاوزان
نظم الشعر عنده من الله طبيعه

جال النظر والفكر في كل الاوطان
والله ما يوجد بكل الوسيعة

دولة سحابه خير واشجار امان
دوحة رخا في ظل حكوم الشريعه

اعني السعودية لها المجد عنوان
معروفة في منزلتها الرفيعة

الشعب والقادة يعلون الاركان
كل الوفاء بارض الجزيرة جميعه

ان جيت لداخل ولا الشعب فرحان
وان رحت بالراء شفتها بالطبيعة

**
ومن رائعة اخرى يقول:

همست كتاب للأحبة رقيقة
من خاطر يهو القصائد والاشعار

هذا الوطن للمجد وجه طريقه
واجب علينا نغرس الدرب بازهار

ذخر مشاريع الوطن بالدقيقه
كثر الدقايق عندنا انجاز واعمار

**
ويقول الشاعر خلف بن هذال العتيبي:

يا لله بامانك من النكبات تامنا
والدار بحماك تمنها وتامنها

لاوامر القايد الاعلى تمثلنا
ارواحنا في سبيل الله نعربنها

بقيادة الفهد شلنا الصوت وأذنا
على المنابر تلج بنا مآذنها

**
ومن قصيدة أخرى:

يا بلادي يا ملاذ المستجير
يوم اشوفك فيك شي من الخيال

جوهرة حصباك ورمالك حرير
الطبيعة صورت فيك الجمال

فيك نجد وفيك مجد وفيك خير
وفي جبال طويق للاجي ظلال




ومن قصيدة الحميدي الحربي والتي تقول:

الفكر حلق جاوز السحب يجتال
بافاق مجد ديرتي تنتمي له

صافح وهو في هالة الفخر يختال
حقايق صافي الذهن تستميله

قرا حروف جسدت صدق الافعال
بقصة كفاح اللي غزا قبل خيله

عبدالعزيز اللي بلا ند وامثاله
من فجر ميلاده لساعة رحيله

عبدالعزيز وخير ما عنه ينقال
هو معجزة جيله وما بعد جيله

سن الطفولة عاشه بعقل رجال
عن اللهو هو مات فكره تشيله

الى ان قال:

رايه براسه,, ما تردد ولا سال
وش كثر عدوانه,, وويش اتعبي له

من السيف غرب ما تسمع للاقوال
كن المسافه كلها تنطوي له

هجد,, وصابح طيبه الحال والفال
بفتح الرياض اللي بها طال ليله

وبدت زلازل تصفق الجال بالجال
واهتزت عروش باهلها ثقيله

لين احكم القبضة عقب كر وقتال
وكل تبرا من عمله وعميله

طاعوا وصارت وحدة مالها امثال
فيها الولا للدين قبل القبيله

ثم الوطن واللي لغيم الجهل زال
رفع سراج العلم واشعل فتيله



المواضيع المتشابهه:


rwhz] uk hgd,l hg,'kd K hauhv ggllg;m hguvfdm hgsu,]dm hgd,l hg,'kd ggllg;m hguvfdm hgsu,]dm




  2  
ابو طيف
الف شكر لك مديرنا الغالي على هذه القصائد الوطنيه الجميله

كل الشكر كل التقدير على طرحك واختيارك الراقي لاعدمناك

والوطن يستحق الكثير والكثير وهذه الابيات جزء من رد الجميل

الف شكر لك على ابداعك وتميزك وهذ ديدنك الدائم التميز

تقبل تحياتي واحترامي

__________________
نقره لعرض الصورة في صفحة مستقلة


يسلموووووووو((ســـراب))ووووووووو
على
الـــــــتــــــوقـــــــــــــيــــــــــــــــــ ـــــــــــع




نقره لعرض الصورة في صفحة مستقلة

يسلمووووووووو (( ليتا )) ووووووووو على التوقيع الرائع
إضافة رد

مواقع النشر (المفضلة)

الكلمات الدلالية (Tags)
اليوم الوطني للمملكة العربية السعودية, اشعار اليوم الوطني 1433, اشعار شعر عن اليوم الوطني, شعر عن اليوم الوطني للسعودية 1433, قصائد اليوم الوطني 1433, قصائد قصيدة عن اليوم الوطني, قصيدة عن اليوم الوطني السعودي 1433

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:54 AM


Powered by vBulletin® Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.0 TranZ By Almuhajir
HêĽм √ 3.1 BY: ! ωαнαм ! © 2010
المواضيع والردود المنشورة لا تعبر عن رأي [ ادارة منتديات عالم الزين ] ولا نتحمل أي مسؤولية قانونية حيال ذلك ويتحمل كاتبها مسؤولية النشر لا يجوز كتابة التعليقات و المشاركات التي تنتهك أيًّا من إرشادات المحتوى. من أمثلة ذلك، المحتوى (الخاص بالبالغين) أو العنف أو تأييد التعصب العرقي و المواد المحمية بموجب حقوق الطبع و النشر / في حال وجود شكوى يرجى مراسلتنا / admin@al-zin.com / دمتم برعاية الله

Security team