هل تصلح الفتاة الدلوعة أن تكون زوجةالمستقبل!

اولآ : شكرآ ع هالطرح الحلووو والموضوع الاحلى ..

بالنسبه للدلع فهو يختلف عند البنات بعض البنات تكون يااااااااااااااااااااااااااي ماتبغى الهوا يمر من قدامها من كثر الدلع هههههههه ويكون بايخ دلعها لانه زاد عن حده

والزوج مستحيل يقدر يتحمل هالنوعيه عمره كله ممكن يحبه ببداية زواجه بس اذا تعود عليها ممكن

يمل من دلعها ويتمنى يلاقي فيها النضج والوعي .. الدلع مطلوب بس مو في كل وقت مو حلى الشغله ..

وبعضهم يكون بسبب الاهل يعني لاينرفض لها طلب سمو الاميره والبعض والله ماهو بحولها ماغير تؤمر وتنفذ كنها موظفه بالعسكريه ..

اما مسألة هل تصلح تكون زوجه المدلعه اللي رايحه وطي لا والله ماتصلح لان الرجال بيبتلش ماغير تبيه يحقق رغباتها

ولابتشتكيه عند اهلها ولا الله يعينه على الدموع والدلع اللي مامنه فايدهـ

واذا ع التغيير فعلى حسب نوعية البنت فيه بنات تتقبل اي تغيير في حياتها وفيه بنات معصي مايقدر يغير وضعها ابد ..

ايه صح بعض البنات من زود الدلع ماتبي المطبخ عند اهلها طيب هالنوعيه انا ما اقولها الا والله ياحبيبتي اذا تزوجتي ممكن تطيحين برجال ظروفه الماديه ماتتحمل يجيب لك شغاله

عاد ذاك الوقت نادي عريسك يدخل يسوي لك قهوه وشاهي اذا حد جاه ولا اقولك نادي ام زوجك عشان تصيرين حديث المجتمع

اقول افضل شي تدخلين المطبخ وتكرفين وتتعلمين عشان اذا تزوجتي مايتورط ولد الناس ويروح عليه المهر بس في ملابسك ..

بالنهايه اقدر اقول البنت اذا حبت زوجها ممكن تتغير ومثل مايبي هو اما اذا كان التغيير اللي هو يبيه خارج عن ارادتها وتحسه صعب فالاغلب يرفضون هالتغيير حتى لو حبوا ازواجهم ..

وبالتساهل والتعامل الطيب بتتغير الدلوعه لأنسانه مطلوبه ...

عمومآ يسلمووووو على هالطرح ..

اعتذر عن الاطاله .. الف شكر لصاحبة الموضوع ..

تقبلي مروري ..

تحيهـ،،~